Piše: Marijan Knez
Zel san ju, aš san ju volel,
a i mogal san, aš san fanj toga imel.
Pitala me j’, kad san ju bušoval,
Niš pameti ni šlo va moju buću,
kad je rekla da joj prepišen i kuću.
Račun na banke, je rekla, neka bude na nju,
ispunil san joj i tu davnu sanju.
Kad san se to lipo odbavil,
”Hod’ ća!”, je rekla pa san se spravil.
Se ča imel san, imel više nisan,
aš je na nju se bilo, jedan kroz jedan!
Od jada i muke san sriću šal provat,
tiket platit, loto igrat.
Bog se smiloval, dobil san na loto
i to grdi šoldi, deboto!
Zel san Marijicu, mlaju petnajst let
i šal š njun obać celi svet.
Ona pak je to naslutila,
javila da nazad dojden, da bi srićna bila.
Z Marijicun pod ruku san se nasmel,
telegram poslal, rekal ča san imel;
neka se ne nada takovomu daru,
aš su i ona i njije telo pali va zastaru!