»U gôri râste zêlen bor…«

»U gôri râste zêlen bor…«

Kãda sân pôd nôć zâs sêla dôma pritȅkal,

nôno mȅ je z bôcu ȋ tôrbu vêć čêkal,
kő bȋn se h Ôskaru u uštarȉju zaletȉl,
ȁš butȋgu je Bȁnac vêć bȋl zaklenȉl.

Mȁ Ôskar nȋ bȋl navâdan uštâr,
zâs žênu Pȋnu sû jimȋli posêban dâr.
Z dȉcu sû znâli lȋpo ravnât,
pâ nãn nȋ bȋlo têško h njȋn se zagnȁt.

Čȋn sân pritȅkal, mȋ je Ôskar vêć rêkal:
»Poslűšaj tű, tâ je tâ nőva!«
Posȅl mȅ je za šãnk, na visôku stolȉcu,
nalȋl mȋ sôdu ȋ na gramafőn stâvil pjêsmicu:

»U gôri râste zêlen bor, u gôri râste , u gôri râste ,…!«
Kő plőča jőš nȋti fȉnila nȋ, mȅ je Pȋna već pȋtala: «Čȁ ti se čȋni?«
Pôtlje je Ôskar jőš sõje dodȁl: »Po tője, ćê bȋt to za čȁ?«
Kődabi jâ bȋl műzički ekspȅrt, sãmo sân pokȉmal: «ćê, ćê, kâko dâ nê!«

Kȁda je tőrbu ȋ bôcu zaglêdal, zãjdin je pȋtal:
»Čȁ si rêkal, dâ si prȋšal jiskȁt?«
 jâ, nȋ dvâ nȋ trȋ nêgo: »Nȉč!« Ôskar: »Kâko nȉč?«
Jâ: »Pâ nȉč nȋs rêkal, ȁš nȋs jimȋl kada«.

Ôskar: « Âââ, jâ, jâ! Nû, pô čȁ su tê poslȁli?«
Ja: »Pô bôcu bêlega!«
Dôklje je Ôskar vȋno nalȋl, Pȋna mȋ je dâla bonbőn za spomȉn,
pâ sân pôtlje dôma tȅkal, kődabi jimȋl gâće na vêtar.

Drûgi dân sû sȉ vêć znâli, dâ Ôskar jȋma plőču drűgu,
pâ smô šlȉ mûlci špȋgule zbȉjat pôd Šôrićovu stâru mûrvu.
Sâmo pljűcak ćȁ ud uštarȉje, cêli dân smô se jigrȁli,
dôklje nâs nȋsu nûtri zazvȁli, dâ grêmo čűt tű nővu:

»U gôri râste zêlen bor, u gôri râste, u gôri râste ,… /…/«.