Ste bili va crekve ni ne, trebeda ste se si već stali, pojili ono ča se ji jutro za Vazanj: kuhana jaja, suho meso, ljutiku, vazmenu pogaču i šišeri. a najprvo z dečinun poiskali jaja okol kuće. Sreća, vreme je dobro pa se more z kuće zić, aš pasani dani nisu bili lego za doma bit.
Čuda se ovi dni nabrajalo koliko gušta košarica od Vaznja, a saki j’ žepa dal koliko more. Ma z soldi se sreća ne plaća pa smo si ki smo se našli z familijun danaska morda mrvicu veseleji i srećneji lego na sakidajni dan. Da bi nan Boh dal da imamo dosta za normalno živet i da oni na vrhe si malo molaju, aš ovako nemeh dugo ni bilo, i drugo nan za ovisti Vazanj ni ne rabi.
Srećan van i srićan Vazanj sen, kade god bili!
Vaš Škabelin