Nenad Smajila
U Pasjak, san kot otrok jimil priliku,
poslušat nonu Pepu, ki je čitala »Pavlihovu pratiku«.
U va nju je zmiron gledala, pa je znala tudi reć:
»Sada će prit Valentin, ki nosi ključe ud korenin«.
Dica, ki smo se pred hišu jigrali, smo govorili:
»Ma ki je ti Valentin? Kakove jima to ključe ud korenin?
Sako leto nan govori jenako, do sada ga još nismo vidili nikakor.
Nona se sigurno zmišljiva ali nan ča takovega skriva«?
Puno let smo tako čekali, da bi tega našega Valentina dočekali.
Takov, kot smo si ga dica zamišljali pa ni bil,
aš zdavna je umrl i po zemlji ni već hodil.
Potlje smo doznali, da je zavećnik ud zaljubljencih bil.
Po sih tih letih, ki su hitro pasala,
komoć sada znan, zač je nona o njemu rada predikala.
Uni dan su zas nonoton za mizu se useli i glažić vina si nalili,
da se zmisliju na dane, ke su skup srićno preživili.
Danaska, kada Valentin i Valentina pijeju glažić vina,
sviće slavnosno žariju,
po ljubezni njin dišiju.
Srićan neka bu ti večer, sin ljudon na svitu tem’!
Besede: »Pavlihova pratika«- šaljiva knjižica na slovenskom jeziku sa značajnim datumima, savjetima