Piše: Sonja Vlah
I ovo leto, ov put va Hangare, Matuji, proslavili smo Europski dan jezika. Organizirala je
Udruga umirovljenika i starijih osoba općine Matulji u subotu 23.9. na 18,00 ur. Ove predstave imaju svoju stalnu vjernu publiku pa je dvorana bila popunjena.
Prozu i poeziju su predstavili: Osnovna škola “Drago Gervais” Brešca, Oliver Varljen, 4. razred i Luka Šamanić 5.razred pjesmu D.Gervaisa „Pipa“ po engleski, talijanski i čakavski. Voditeljica njin je Mirela
Tuhtan. Čitali su ove sastave – Bruna Šeškar: „Ča bin još otela“, Nada Dubrović: „Pepa i Pepić“,
Milovan Matetić, Zvoneća: „Moj kraj-pridevki“.
Za ten su naši prijateli Nevia Rigutto i Francesco Squarcia otpjevali skupa i sami tri pjesme.
Nenad Smajila je prečital po slovensku svoje diplomsko delo: „Sedim v sobi – doživljam
sebe“. Nenad govori dijalekte sela Pasjaka i Brdce i hrvatski i slovenski jezik. Povedel je
koliko mu je vredilo kot otroku bit pul none i nonota va Pasjake i ča je poslušal – pogovor
starejeh pul none Pepe Andrijove.
Enica Mićić je va sastave „Deset najlipših let dela“ napisala o svojemu delu z decun va škole
va Kastve.
Tatjana Šepić, Zvoneća, je po njemački čitala „Kula babilonska“.
Pokle su Nevia Rigutto i Francesco Squarcia još otpjevali tri pjesme.
Još su nastupile: Vlasta Šepić „ Kako je to pasalo“ i „96 let“. Klara Lazar z Brežac je
predstavila svoje „Ponjava od zlata“ i „Grabje“ a Nadija Škerjanc „Jesen“.
Na kraje su nas Žejanski k’ntaduri razveselili z par svojeh pjesam po žejansku i još par nan
poznateh za ke je Boris Doričić bil predelal tekst na žejanski. Njegov brat Rado Doričić je i
zasopal harmoniku pa smo i mi va publike zapjevali šnjimi.
Posebna zahvala gre Brankotu Žiguliću i Giordanotu Picco, a, se zna, i našen Penzican ke su
uredile pozornicu z kiticami maruni va žajicah i donesle tikvu od Piccota ka je bila teška valjda
dvasjet kil (komać su nosile), a i servirale i služile goste.
Za „treto poluvreme“ su se pobrigali raspjevani Željko Valenčić, Velimir Baćić i Marijan
Lučić z gitarami.