Piše: Nikolina Morićeva
Ki vrag me pejal tamo na ravan? Otela san poć do murve na drugen kraje, preko ravni. Prvo pasan jušto kroz kusić šumi, tamo j’ skrita i jena mića špija, priden vanka na ravan, a na drugoj strane stoji stara, vela bela murva. Zad njun par kućic, par vrti, malo lozi, grozja…
Nonice, navajne ne fermat, va vrte zamu par kusić zelenjavi, za žvelto obed skuhat.
Spametila san se oneh let kad smo mi, dečina, ležali na ravne i gjedali va nebo, peli se na murvu i jili dok nan ni bio slabo… I ne bimo se movili poć doma dok nas zijanje od našeh materah ne bi potiralo…