Ovisti recepti za kroštuli morete nać va Matujskoj kuharice, ku je izdala Udruga umirovljenika i starejeh Općine Matuji. Videjte, pa ziberite, ča van se od ovega najveć rači.
KROŠTULI (po Nadinen recepte)
- 4 žutnjaki
- celo jaje
- 1 žlica cukara
- 1 žlica ula
- malo soli
- 1 žlica mleka
- malo ruma al rakije
- malo pecilnega
- sok i kora od lemuncina
- cveta koliko pita (jeno 3 kvarti)
Zamesit testo, razvajat i z kolcon rezat.
KROŠTULI II
- pol kila cveta
- 15 dek margarini
- 3 jaja
- malo soli
- 1 žlica cukara
- pol praška za pecivo
- dec mleka
- sok i kora od lemuncina
Storit testo (ne pretrdo), razvajat i rezat. Frigat na teplen ule. Frigani stavit na kartu i posut z štap cukaron.