Kastafsko kulturno leto večeraska na 18 ur prnaša koncert Glazbenega odjela z Osnovne škole Milan Brozović Kastav.
On dela već deset let, deca ka va njin kantaju dobila su čuda nagrad, a kantaju i na svojen dječjen pjevačken festivale Kastafski glasi. Taj festival je del Kastafskega kulturnega leta, na njin se promovira druženje i kreativno izražavanje glazbeno nadarene dece i mladeh, a vode ga učitejice Katarina Jurić i Tajana Dukić.
Ovo leto će se na festivale Kastafski glasi kantat domaće i strane melodije, a kantat će jih deca z osnovneh škol z Primorsko-goranske, Ličko-senjske i Istarske županije. Nastupaju na jenoj od najljepšeh pozornic na Kvarnere, va centre Grada Kastva. Na kraje Festivala sa deca ka nastupaju će zakantat himnu Kastafski glasi.