Deveti maj je dan oslobođenja Europe od fašizma i nacizma. Ča je se va to grdo vreme pasala Ivanka Dolinkina zas Pasjaka, napisala je u spomen knjigu 2004. leta. Štoriju od onega ča je pretrpela va vreme fašističke okupacije pročitajte va Škabeline.
– Kada san je obiskal na Kantridu mi je darovala jenu novinu ku san doma pregledal. Ivanka piše i od naših ljudi zas Šapljan, Pasjaka i drugih sel okoli pa vredi samo čitat, gledat u priloge i mislit od ljudi ki su zlo prepasali ma ostali gradit novo življenje, zgojili dicu, poveda Josip Orlando Hrvatin, ki nan je ustupil Ivankini zapisi. “Ona je u Ješane, rečemo u Ćućine njive za cimitar. Tepli su mi spomini na nju, na se ke spominje i se ke ne da. Bili su mladi, jimili nadu pa šli na skup proti zla… Ča još čeka nas ako se ne stavimo proti današnjega zla?”, pita Hrvatin.
