Škabelin na Facebooke ima jenu šesnu grupu, ka se zove “Udruga Beseda”. Grupa je oprta, saki ki se z Fejzbukon bavi i zabavja se more javit i bit član. Kako njoj i ime govori, grupa se zabavja z besedami, domaćemi, ke se va sakidajnen govore manje rabe pa jih neki od nas već ni ne poznaju. Al se morda va jenen kraje govori ovako, a va drugen onako. Čuda j’ besed već kroz tu grupu pasalo, čuda lepeh komentari j’ napisano, pa ćemo jedan kusić od teh besed prnest i va Škabelin.
Besedi “hjusnut” se j’ spametila Ljubica Brajković, a evo ča su se judi ki ju poznaju napisali:
- Hjusnust…pjusnust…ili jako grdo past i dobro se udrit..
- .. i još ako svineš nogu va kičici
- Pjusnut koliko si dug i širok
- Pjusnut z bicikli
- Skobeljat
- Grdo past
- Hlustit…
A evo ča o ovoj besede piše Cvjetana Miletić va Slovnike kastafskega govora:
Hjȕsnūt/hlȕsnūt, gl. svrš. – pasti (nenadano)
Primjer: Hjusnul je koliko j’ dug i širok. Ni pazil kamo staje pa je hlusnul va najveće blato.
