Haiku stihi su oni mići, mići, ča malo besed imaju, a puno reču. Jušto kod i naši stari: manje od besed, a već od dela. Ovo su haiku stihi od Bertota Lučića keh je napisal kad su ga zvali na jenu kastafsku književnu večer:
ČITALNICA
Još 866-te va Kastve je zasvetila
Ne mareć ča njoj prete
svetlost je pronosila.
MORELLI
Ni šal 666-ga leta
žejan z ovega sveta,
Kastafci je otel strt
va Lokvine je našal smrt.
BUNA
Radi bi nas bili
pod nogi klali
al smo se bunili
i obastali.
FERAL
Magareće glavi
su na hrte nosili
ki su hrvatski progovorili
a onda j’ zasvetlil feral
ki j’ pravi put kazal.
KASTAV
Kod kamik suri,
zlizan od buri,
od sunca spucan
al nikad znucan
od nekad do sad
stoji naš grad.
LJUBAVNA
Va škuren tunele
se su me otele,
kad je prosvetilo
mane j’ odzvonilo.