Šjor Nenad Smajila poslal je za objavu u Škabelinu ove stihe u spomin na početak nesrećne Velike vojske ali 1. sv. rata, ki je počel 28.7.1914.
– Tako kot puno drugih mladići, ki su šli u tu nesrićnu vojsku i nisu se već nikada vrnili, naša je familija, govori Smajila, dala jenega jako mladega člana, starega komoć 19 let, ki je pal za cara i monarhiju. “Mate, brat od mojega nonota, je bil rojen 1895., a poginil je odmah već prvega leta 1914. nikadi na dalekih poljih Galicije”, spominja se Smajila.
