Piše: Josip Orlando Hrvatin
Do kraja školskega leta 1927/1928. dica u Julijsku krajinu su zadnji razred završila na slovenskemu i hrvatskemu jeziku, a pozatin su morala po talijansku. Z školskega dnevnika osnovne škole Pasjak za leto 1926-1927. se vidi da se je već pisalo po talijansku.
Ma naša učiteljica Marija Rubinić z Mošćenic je soje prezime pisala po naše. Bila je prišla, po soji volji, zas škole z Mun u Pasjak 1925. leta jušto u pravi čas da vodi i dramsku sekciju KUD-a Danica.
Priloženo se vidi njojin krasopis.
Potlje oslobođenja je jeno vrime bil krasopis zapišen kot predmet pa se je dobivalo i ocjenu, najprvo kot „lepopisje“ 1945/1946. pa „krasopis“ od leta 1946/1947.
Spomenari su bili posebna prilika za lipo pisat i lipo se potpisat. Napisat ča lipše unemu ki je bil drag prijatelj, nacionalni zanos, ali ljubav ka nikada ne pasa.
Kako i javni službeniki, notari i drugi, gospudi (popi) su bili još kako pismeni.
Za kraj da se potpišen z krasopison gospuda, župnika z Jelšan Božidara Božića 27.7.1958. leta
