U povodu Dana planeta Zemlje
Piše: J.O.Hrvatin
Hodit, šećat, gledat i vidit pa slikat. Sve su kameni stanovniki šume, zas same zemlje zrasli. Jeni su medo, jeni lav. Lav mi zgleda već star aš nima ni se zube i mi se vidi žalostan. Majčica Priroda jih sve njih čuva. Jimil san veselje jih slikat.
Posebna mi je glava ženske okrunjena z bršljanon namesto lasi. Njoj je šumska mat namenila slavu, baš je lipo okrunjena.
A su i tri kamene glave jena do druge, bi reć da su niki okamenjeni velikani. Lik z bradu na gori ne zgleda lipo ma morda je bil boksač i ne zgleda slab, morda je dobar, samo ne pokaže.
Jeni dva su par, on je veći, kako se i prista, a ona se je nagnila na kameni banak i merka. Drugi par, ona i on, su u travu. Ona se je ulegla ma njemu kot da je niča šušnilo pa se je nastavil. Pazi on na nju i na se.
Medoti su dva, veći i manji, veći je već star i hodi na sigurno, a manji se je nastavil pa pazi. Dvin san namenil ime Dva brati, a jenemu Brkonja, ja jih tako vidin.
Morda su mi najdraži oni dva na kraj-on njoj za početak dava bućicu i čeka da je udobrovolji, a drugi su me domislili na Ljepoticu i zvijer.
