Naš najvredneji suradnik, Josip Orlando Hrvatin, za Dan planeta Zemlje, 22. aprila, nan je poslal sa slova od Škabelina ka j’ našal va prirode. Ma rabi za tako ča dobro oko imet, i videt ono ča drugi ne vide. Zato ćemo slike i potpisat, aš ni lahko prepoznat slova va šume….
“Čudovita priroda nan sama pokaže kakova sve lica jima. Rabi je samo ubać. Tako je ovi prilog više slika nego tekst. Foto spomin je skoro cela abeceda, a je i broji. Za ne zimat mesto drugin ki ćeju još objavit ovo je kuščić ki kaže ime našega čakavskega portala i na kraj foto inicijale autora priloga namesto potpisa”, piše Josip Orlando Hrvatin.
