(Z knjigi “Puna jedra vetra” va naklade Katedre Čakavskega sabora Lovran)
Va mići škartoc, ja spravil san
Se ča iman i se ča znan
Sobun ga nosin, ja dan po dan
Bez njega kamo, ni ki san – ne znan.
Sa leta, si judi, i se ča vaja
Va taj mići kušćić san spravil ja
I naprvo hodin, ne obrnjan se
Aš ča j meritalo, sobun iman se
Moj lepi kraj, ča ne vidin ga
I dragi judi, kade su ki zna
I tebe ča bila si života senjal
I se bez čega san još kad ostal
I ča j čovek? Mići puntin
Ča je takan kot na trdi lamarin
Držat ne more, i zvije se
Ma išće ruku za zricat sebe
I ča j čovek? Leh kušćić vremena
Ča sobun tače kolo bremena
I taj škartoc va ki on spravil je
Se ono lepo – živjenja vredan je!
Sanja Albaneže
škartoc – papirnata vrećica; vaja – vredi; meritalo – zaslužilo; senjal – znak; puntin –
jastuk za novorođenče, u ovom slučaju misli se na dlijeto; takan – zalijepljen; lamarin
– tanka limena ploča; zvije se – iskrivi se; kušćić – komadić; tače – kotrlja