Črešnje su, črešnje…. na place drage kot vranić, a na dreve – visoko. Ako je ki pobrat, najboje bi ih zajeno pozobat, ma ako jih je čuda, dobro će prit i kot desert, z kafon. Va biskvite, kega ni teško storit, a vavek dobro pride.
Biskvit:
4 jaja
1 dec jogurta
1 dec uja
10 dek cukara
20 dek muki
2 miće žličice praška za pecivo
20 dek črešanj
mrvice od kruha za kalup
PRIPREMA:
1. Znamite pašpice
2. Zmešajte muku z praškon
3. Oprite peć na na 180 °C.
4. Va zdele z mikseron zmešajte jaja i cukar. More se dodat šćapac mleveneh bajami.
5. Z kuharicun zamešajte uje i dodavajte va jaja i cukar. Onda dodajte jogurt.
6. Na kraje va se z kuharicun pomalo zmešajte muku i prašak za pecivo.
7. Kalup namažite z putron i posipajte z mrvicami.
8. Se zilejte va kalup i na vrh posložite črešnji.
9. Pečite okol 40 minuti.
Dobar tek!