Marija Trinajstić Božić
Divojčica Ana
naša je vnučica mala,
mila je i jako draga
ma, kada njoj ča premi –
i fanj šegava.
-Ala, dede, ćemo se spasi sirgat,
ti se srani a ja ću te po kući iskat,
samol pod postiju se ne rivaj
aš se nećeš moć stat.
-Ala, baba, sedaj se homo šetat,
ja ću zet biciklo i pojet pesića,
pe, dokla se ja buden vozila
ti ćeš za njin teć….
ma, bez njegovoga špažića.
Pasalo je vrime
naša Ana je va zabavište partila,
novu kunpaniju našla
ma deda i babu do sedaj ni pozabila,
a još menje oni nju –
tu divojčicu dragu.
Vrbnik, veljača 2022.godine
Manje poznate riječi:
baba – baka
premit – nešto željeti pod svaku cijenu
šegava – pametna
sirgat se spasi – igrati se skrivača
sranit se – sakriti se
rivat se – gurati se
stat se – ustati se
aš – jer
sedaj – sada
homo – idemo
zet – uzeti
pojet – povesti sa sobom
pesića – psića
pe – pa
teć – trčati
špažić – u tekstu: povodac
zabavište – dječji vrtić kunpanija – društvo
partit – krenuti pozabit – zaboravitido sedaj – do sada menje – manje