Piše: Nikolina Morićeva
Opet me pitaju da ča san zamukal. Ma provajte me još jedanput pitat, pa ću ponemet!
Judi moji, ste vi od oneh ki su infišani va Božić, ni ste od oneh ki ga ne moru videt?
Ča ću van reć, ja san va ovoj drugoj.
Slabo mi je već jeno tri – četiri meseca, otkad san potkraj ferragosta videl prve Božićne stvari va butigah.
Malo pauze za Halloween, bokunić čega drugega – ma je to bilo nanke za niš. Božić je glavni!
Razumen jedino dečicu ka ne moru pričekat ukrašenu jelvicu, dari, i smišjaju kako će se skrit i dočekat videt Deda Mraza kad bude na Badnjak prihajal z vrećun…
A mane pustite k vraniću, niš me ne pitajte dok Božić ne pasa, da već više moren odahnut.
A vi ki ćete, tečite, daje žvelto kupovat, aš bi moglo ča prifalit!
Ma samo pazite da van ki ku kost ne polomi aš se si rivaju kot da se ča badava deli. A ča ćemo, to je po staren nauke, da se soldi rabi delit, onemi ki nimaju;)
Ala boh i se, zbudite me kad Božić pasa…